लगानीकर्तालाई हतोत्साही नबनाउन अपील

इसमता संवाददाता
काठमाडौं, असार २३ । नेपाली काँग्रेसका नेता एवम् सांसद रामहरि खतिवडाले लगानीकर्तालाई हतोत्साही बनाउन नहुने बताएका छन् ।

शुक्रबार रिपोर्टर्स क्लब नेपालमा शेयर लगानीकर्ता संघ नेपालले आयोजना गरेको ‘पुँजी बजारमा भ्याट समस्या र समाधान’ विषयक अन्तरक्रियात्मक कार्यक्रममा बोल्दै सांसद खडिवडाले यस्तो बताएका हुन् ।

विदेश पलायनको तयारीमा रहेका यूवाहरूलाई स्वदेशमै रोजगारी दिने र लगानी गरेर मुलुकको विकास गर्ने काममा लगानीकर्ताहरुले सहयोग पुर्याएको बताउँदै खतिवडाले भने,‘हाम्रो देशमा स्वदेशी तथा विदेशी लगानीकर्तालाई

लगानीको वातावरण बनाई दिनुपर्छ, त्यो काम सरकारका हो, जहाँसम्म पूँजी बजारलाई भ्याट लगाउने भनेर सरकारले निर्णय गरेको छ, यसबाट आँत्तिनुहुँदैन, छलफल गरेर पुँजी बजारलाई अझै व्यापक बनाउनको लागि हामी सबैले पहल गर्नुपर्छ, म संसदमा पनि यसका बारेमा कुरा राख्छु।’

 

शेयर लगानीकर्ता संघ नोपलका अध्यक्ष उत्तम अर्यालले नेपालको पुँजी बजारमा भ्याट समस्या कि समाधान भन्ने विषयले लगानीकर्तालाई विचलित बनाएको गुनासो पोखे । अर्यालले भने,‘लगानीकर्ता विचलित भएका छन्, विश्वमा नभएको अभ्यास नेपालमा गरिएको छ, यो गलत छ, लगानी्कर्ताले मुलकुको निर्माण गरिरहेका छन्, यस्तो कार्यमा सरकारले हस्तक्षेप गर्नुहुँदैन।’

त्यस्तै अर्थशास्त्री डा.डिल्लीराज खनालले वृहत्त छलफल नगरी लगाईने ट्याक्सले खतरा निम्त्याउने दाबी गरेका छन्। उनले भने,‘बृहत्त छलफल नगरिकन पुँजी बजारमाथि ट्याक्स लगाउने कुरा गृहकार्य भन्दा बाहिरको कुरा हो, ओरालो लागेको स्टक एक्सचेन्ज छ, यसलाई झनै प्रभावित पार्न सक्छ, त्यसैले सरकारी पक्ष र लगानीकर्ताबीच समन्वयकारी रुपमा यो काम अघि बढ्नुपर्छ।’

ब्रोकस एशोसियशनका अध्यक्ष प्रियराज रेग्मीले लगानीकर्तालाई सरकारले बाध्यकारी तरिकाले भ्याट लगाउन खोजेको आरोप लगाए । उनले भने,‘हाम्रा व्यवसाय सरकारी ऐन÷नियमभित्र छन्, त्यसलाई आधार मानी भ्याट लगाउन खोजिएको छ, यो पुँजी बजारलाई काँढेतारभित्र बार्न खोजिएको छ, यो गलत छ, लगानीकर्ताहरू हतोत्साहीत हुने खतरा उक्तिकै छ, हाम्रो मुलुकको विकास र परिर्वतनको लागि अहम भूमिका खेलिरहेको पुँजी बजारलाई विचल्लित बनाउने काम सरकारले गर्रिहेको छ।’

नेपाल धितो पत्र बोर्डका प्रतिनिधि नबराज अधिकारीले लगानीकर्तामाथि लगाईने भ्याट नियम संगत भएको बताएका छन् । यद्धपी उनले पनि दुवैपक्षबीचको सहमति र सहकार्यको माध्याममार्फत निकास खोज्नुपर्ने सुझाए ।
उनले अघि थपे,‘अन्य मुलुककमा सुरुमा भ्याट लगाउने र पछि फिर्ता लिएको ईतिहाँस छ, यसको उदाहरण नाईजेरियालाई लिन सकिन्छ, हामीले अब दुवै पक्ष बसेर गहिरो छलफल गरेर लगानी वातावरण निर्माण गर्ने र पारदर्शी बनाउनमा समय खर्चिनुपर्छ।’

कार्यक्रममा रिपोर्टर्स क्लब नेपालका सभापति ऋषि धमलाले लगानीमत्रै वातावरण बनाउनको लागि सरकारसमक्ष आग्रह गरे ।

 क्याटेगोरीः अर्थ